ЦАХИМ ХӨГЖИЛ, ХАРИЛЦАА ХОЛБООНЫ САЛБАРТ ЖЕНДЭРИЙН ТЭГШ БАЙДЛЫГ ХАНГАХ СТРАТЕГИ ТӨЛӨВЛӨГӨӨ БОЛОВСРУУЛЖ ХЭРЭГЖҮҮЛЭХЭЭР БОЛЛОО
Монгол Улсад жендэрийн тэгш байдлыг хангахад салбар дундын хамтын ажиллагаа, үүрэг оролцоо ихээхэн чухал билээ. Энэ хүрээнд Жендэрийн Үндэсний Хорооны нарийн бичгийн дарга бөгөөд Ажлын албаны дарга Т.Энхбаяр, ЖҮХАА-ны Салбар дундын бодлого зохицуулалт, хууль тогтоомжийн хэрэгжилт хариуцсан ахлах мэргэжилтэн О.Буянаа нар Цахим хөгжил, харилцаа холбооны яамны төрийн нарийн бичгийн дарга Б.Болор-Эрдэнэтэй уулзаж цахим хөгжил, харилцаа холбооны салбар дах ажиллагчид, тэдний жендэрийн тэгш байдлыг хангах, салбарын стратеги бодлогоор дамжуулан төр, хувийн хэвшил, олон нийтийн жендэрийн ойлголт мэдлэгийг нэмэгдүүлэх, эерэг өөрчлөлтийг бий болгох хүрээнд хэрхэн хувь нэмэр оруулах талаар харилцан санал солилцлоо.
Мөн уулзалтын үеэр Цахим хөгжил, харилцаа холбооны яамнаас “Код бичих охидын хөтөлбөр”-ийг санаачилан хэрэгжүүлж байгаад Жендэрийн Үндэсний Хорооны нарийн бичгийн дарга бөгөөд Ажлын албаны дарга Т.Энхбаяр талархал илэрхийллээ.
