Монгол хүүхдүүдийн түгээмэл нэрс
Монгол хүүхдүүдийн хамгийн түгээмэл нэрийг Үндэсний Статистик Хорооноос танилцууллаа.
Улсын хэмжээнд эмэгтэй хүүхдүүдээс Мишээл, Амин-Эрдэнэ, Нандин-Эрдэнэ, Номин-Эрдэнэ, Энхжин, эрэгтэй хүүхдүүдээс Тэмүүлэн, Ананд, Төгөлдөр, Билгүүн Эрхэс нэртэй хүүхэд хамгийн олон байна.
Сонирхуулахад Мишээл нэртэй 13,920 хүн байна. 2012 онд 973 Мишээл төрсөн нь сүүлийн 15 жилийн хамгийн өндөр үр дүн юм. Үүнээс хойш Мишээл нэрийн бүртгэл харьцангуй буурчээ. Өнгөрсөн жил 323 Мишээл төрсөн бол 2025 он гарснаас хойш 60 Мишээл төржээ.
Харин Тэмүүлэн нэртэй 14,450 хүн байна. 2013 онд 849 Тэмүүлэн төрсөн нь сүүлийн 15 жил дэх хамгийн өндөр үзүүлэлт болжээ. Өнгөрсөн онд 202 Тэмүүлэн төрсөн бол энэ он гарснаас хойш 35 Тэмүүлэн төрсөн байна.
