Нисдэг мэлхий /Wallace’s Flying Frog/
Khao Sok National Park
Хөлөндөө шүхэртэй дүүлэгч Латин нэр: Rhacophorus nigropalmatus Тархац нутаг:Индонез, Малайз Дундаж жин: 50-60 грамм Биеийн хэмжээ: 8-10 см Дундаж нас: 7-10 Гол хүнс: Хорхой шавж Байгаль хамгааллын зэрэг: Элбэг
Сонирхолтой баримт: Нисдэг мэлхийн нэгэн зүйл энэхүү мэлхийг 1869 онд анх нээсэн Британийн байгаль судлаач Альфред Рассел Уоллсийн нэрээр нэрлэжээ.
Уоллсийн нисдэг мэлхийний ур чадвар үсрэх, сэлэхээр хязгаарлагдахгүй. Ой ширэнгэд олон мянганы турш шувуудтай хамтран амьдарсан уг мэлхий хувьсан өөрчлөгдсөн ихэнх хугацаагаа ангуучдаас биеэ хамгаалах шувуудын чадварыг ажиглаж өнгөрөөсөн гэлтэй. Хоёр нутагтанд ховор заяах нисэж дүүлэх чадвараа зогсолтгүй хөгжүүлсэн Уоллсийн мэлхий Борнео арлын ширэнгэд нутагладаг. Амьдралынхаа ихэнх хугацааг ойд өнгөрөөдөг бөгөөд ердөө үржилд орж, өндгөө дарах гэж ширэнгээсээ гарна.
Айсан юм уу, хоол хүнсээ эрэх үедээ мөчрөөс мөчир дамжин 15 метр хүртэл зайд дүүлдэг энэхүү мэлхийний хөлийн хуруунуудынх нь нь дундах сул арьс буюу сарьс нь мөчирт наалдаж, “гулсахад” нь, гол үүрэг гүйцэтгэдэг байна. Нисэх чадвараа хөгжүүлсэн цорын ганц мэлхий биш боловч нисдэг гэгддэг бусад мэлхийтэй харьцуулахад биеэр хавьгүй том, илүү чадварлаг нисгэгч юм. Уоллсийн нисдэг мэлхийг хөлийнх нь хар судлаар бусад төстэй мэлхийнээс ялгаж болно. Бие нь ихэвчлэн шаргал туяатай, цайвар ногоон өнгөтэй байдаг.
Тоо толгой нь тогтвортой өсөж байгаа ч Малайз болон Борнео арлын зарим хэсэгт тусгай хамгаалалтад багтжээ. Мөхлийн ирмэгт тулсан Азийн хирсний хөрвөөх дуртай балчиг намагт өндгөө дарах нь элбэг тул хирсний тоо толгой хорогдохын хэрээр Уоллсийн нисдэг мэлхий мөн цөөрч болзошгүй гэж амьтан судлаачид эмээдэг байна.
