“ОРОЙН НАХИА” ОЮУТНЫ ЭРДЭМ ШИНЖИЛГЭЭНИЙ X ХУРАЛ АМЖИЛТТАЙ ЗОХИОН БАЙГУУЛАГДЛАА
Монгол улсад ойн салбарын мэргэжилтэй боловсон хүчин бэлтгэж буй их дээд сургуулиудад суралцаж буй бакалаврын болон ахисан түвшний оюутнуудын дунд “Оройн нахиа” эрдэм шинжилгээний хурлыг 2015 оноос эхлэн зохион байгуулж ирсэн бөгөөд тус X хуралд МУИС, ШУТИС, ХААИС, ОУУБИС-ийн 31 илтгэлийг хэлэлцүүлж, хурлын үйл ажиллагаанд нийт 100 хүн оролцов.
Энэхүү эрдэм шинжилгээний хурал нь ойн чиглэлээр суралцаж буй оюутан суралцагчдад судалгааны арга зүй эзэмшүүлэх, тэдний эрдэм шинжилгээний ажлын ур чадварыг нэмэгдүүлэх зорилготойгоор 10 дахь жилдээ амжилттай зохион байгуулагдлаа.
БАКАЛАВРЫН ТҮВШИНД:
– Тэргүүн байр: МУИС, Инженер технологийн сургуулийн оюутан Н.Мөнхнасан
Археологийн зарим модон олдворуудыг анатоми бүтцээр нь тодорхойлсон судалгааны үр дүн,
Удирдагч: С.Бямбагэрэл
– Дэд байр: ШУТИС, Хүнс, хөнгөн үйлдвэрлэл, дизайны сургуулийн оюутан Г.Алтаншагай, С.Содбаяр нар Өмхөрсөн шинэснээс эко-цаас гарган авах судалгаа,
Удирдагч: А.Тунгалаг
– Гутгаар байр: ХААИС, Агроэкологийн сургуулийн оюутан Т.Өсөхбаяр Өвөр байгалийн ой-ургамалжилтын мужийн зүүн хэнтийн хошууны шинэсэн ойн өсөлтийн явц, өмхрөл: Төв аймгийн мөнгөнморьт сумын жишээн дээр
Удирдагч: Г.Батсайхан, М.Хишигжаргал
– Тусгай байр: МУИС, Инженер технологийн сургуулийн оюутан Б.Номингэрэл, Ой модны үлдэгдэл, хаягдлаас модны үртсэн шахмал түлш гаргаж авах судалгаа
Удирдагч: Ц. Соёл-Эрдэнэ
МАГИСТРЫН ТҮВШИНД:
– Тэргүүн байр: МУИС, Инженер технологийн сургуулийн оюутан О.Лхагважаргал, Өрөөсгөл хүр (Lymantria dispar Linn.) эрвээхэйн өндгөн дээр тосон бэлдмэлээр үйлчилж турших судалгаа
– Дэд байр: МУИС, Инженер технологийн сургуулийн оюутан Д.Эрдэнэзаяа, Бохирдлын ялгаатай нөхцөл дэх зарим ургамлын элементүүдийн агууламжийн харьцуулсан судалгаа
ДОКТОРЫН ТҮВШИНД:
– Тэргүүн байр: МУИС, Инженер технологийн сургуулийн оюутан С.Баярбаатар, Тhe effect of forest structure and species richness on living biomass of boreal forests in Khentey region, Mongolia
ХАНЫН ИЛТГЭЛ:
– Тэргүүн байр: МУИС, Инженер технологийн сургуулийн оюутан Г.Баясгалан
– Дэд байр: ШУТИС, Хүнс, хөнгөн үйлдвэрлэл, дизайны сургуулийн оюутан Г.Батбилэг
– Гутгаар байр: МУИС, Инженер технологийн сургуулийн оюутан Д.Цэрэндолгор нар тус тус шалгарлаа.
Мөн энэ жил AFoCo олон улсын байгууллагын санхүүжилтээр хэрэгжүүлж буй төслийн хүрээнд мод үржүүлэг, ойжуулалтын судалгаа хийж буй 4 оюутанд тус бүр 4,000,000 төгрөгийн тэтгэлгийг олголоо. Үүнд:
1. ШУТИС Үйлдвэрлэл технологи, дизайны сургуулийн магистрант Г.Батбилэг, Ойжуулалтын багаж, хэрэгслийг боловсронгуй болгох туршилт судалгаа
2. МУИС, Инженер технологийн сургуулийн оюутан Г.Эрдэнэчулуун, Ойжуулалтаар тарьж ургуулсан өсвөр моддын хэт халалтыг тэсвэрлэх чадварын судалгаа
3. ХААИС, Агроэкологийн сургуулийн оюутан Б.Ариунаа, Нарс болон шинэсний тарьц ургуулахад бионүүрсний нөлөөг судалсан дүн
4. МУИС, Инженер технологийн сургуулийн оюутан А.Амаржаргал, Ойжуулалт, мод үржүүлгийн талбайн хөрсний үржил шимийг нэмэгдүүлэх туршилтын үр дүн сэдвээр тус тус шалгарлаа.
